معلومات عن #الرجال يا زوجة 🤣 انتبهي منيييييح

بعض المعلومات العامة عن الرجل :

١-شو تاكل بكرا:

الرجال بيكرهوا هالسؤال ، بيخوفون، بيفوتوا بحالة اكتئاب وقت يسمعوه،مدري ليه بيذكرون باسئلة الفراغية تبع البكالوريا….

٢-الحواس الخمسة:

عند الرجال كل حاسة منفصلة تماماً عن الحاسة التانية و ما بيشتغلوا مع بعضون و بشكل عام بيتعطلوا كتير، مما يعني انو ما في رجال بيقدر يحكي و يسمع او يكون عم يتفرج عالتلفزيون و يسمع بنفس الوقت، بقا لا تزعلي اذا حكيتي شي و ما سمعك

٣- اذا شفتي جوزك شارد مو بالضرورة يكون شارد ببنت تانية، نحنا منشرد باللاشيء، منحبوا لهاد اللاشيء كتير .

٤- كل الرجال بلا استثناء عندون زهايمر يعني اذا بدك اغراض للبيت لازم تبعتيلو مسج عالواتس و مسج عالمسانجر و مسج عادية و احتمال انو يجيب الاغراض هو خمسين بالمية مو اكتر.

٥- الكسل صفة اساسية من صفات الرجل.

٦- الرجال نوعين لا اكتر بغض النظر عن اخلاقهون و مستواهون الثقافي و تربيتون، نوع بيحب النسوان و النوع التاني بيحب النسوان.

٧-بالنسبة للرجال في اوقات ما لازم تفتحي نقاشات لانو بيكون هالوقت غير مناسب للنقاشات منها على سبيل الذكر لا الحصر اول ما يكون فايق و قبل ما يروح عالشغل و بعد ما يرجع من الشغل و أثناء الاكل و قبل النوم و هو عم يتفرج عالتلفزيون….الخ

٨- اذا عندك رجال بيعلق تيابو و بيعمل قهوتو و ضحوك و بيحاكيكي حكي حلو و بيعملك يلي بدك ياه غالباً هاد يا جني يا سليل فصيلة فضائية لاخذ العلم يعني..