شو فيها اذا فقتي الصبح عملتي صبحية طويله
بيطلعلك يوم بالاسبوع يكون في استراحه
شو بصير اذا ليوم ما اشتغلتي البيت
ما رح تخرب الدنيا
شو بصير اذا ليوم ما طبختي
ما حدا بموت من الجوع
شو بصير اذا ليوم كان استراحه الك
ما حدا رح يتعب محلك
شو فيها اذا ولادك عجقو البيت
ما هني سر سعادتك
شو فيها اذا ما غسلتي الغسيل
في كتير تياب بالخزانه
شو فيها اذا ما كويتي قميص زوجك المفضل
عندو بدل القميص عشرا
شو فيها اذا ما رتبتي غرفتك
ما هيي خاصه فيكي
شو بصير اذا كانت غرفة لولاد معجوقه
ما هني حابين يلعبو فيها
شو فيها اذا ما جليتي الغدا دغري
شو فيها اذا ما شطفتي ليوم الارض
شو فيها اذا زوجك ليوم ما راح عالشغل
ما هيي هيك هيك الحياة صعبه
ليش نحنا بدنا نزيد من تعبنا فيها
ليش بدنا نفيق كل يوم نفس التاني
الوقت ما بينطر لنحنا نقرر نعيش
اذا بدك نفسيآ من جوا ترتاحي
خدي يوم عطله الك وللعيله
وبكرا رزق عالله جديد
السعادة نحنا منصنعها مش هيي
الوقت نحنا منقسموا مش هوي
عيشي حياتك قبل ما حياتك تروح وانتي عم تركضي
